Gwan, gal, yuh favour teggereg!
Ah weh yuh gwine go do?
Yuh an yuh boogooyagga frien-dem
Tink me fraid a yuh?
Go weh, yuh favour heng-pon-nail!
Is me yuh waan fi trace?
Me is jus de one fi teck me han
An leggo pon yuh face.
Fi-me han no jine chuch, an me naw
Pay licen fi me mout.
Me wi tell yuh bout yuh - see yah,
Gal, no bodder get me out!
Me no know is what kine a chuch
Fi-yuh mout coulda jine -
Yuh lip-dem heng dung lacka when
Mule cyaan meck up him mine.
Gwan! Me an yuh no combolo -
Yuh foot shapeless an lang
Like smaddy stan far fling dem awn
An meck dem heng awn wrang!
Fi-yuh foot favour capital K!
Koo pon yuh two nose-hole -
Dem dis big an open out like
Miss Jane outsize fish bowl.
Go weh! Yuh cyann bwile sof egg
But still yuh waan get ring -
No man na gwine fi married yuh
When yuh cyaan do a ting.
Is grudge yuh grudgeful! Me cyaan cook
But me ben go dah good school -
Me got intelligency, yuh
Illiterated fool!
Me sorry fi de man yuh get -
De po ting hooden nyam
When yuh ackebus him salt-fish
An bwilivous him yam
Translations
teggereg - rough, uncouth trouble-making person
gwine - going
boogooyagga - low-class or low status
heng-pon-nail - clothes that are hung on a nail, hence out of shape, untidy
combolo - comrade
wrang - wrong
bwile - boil
nyam - eat
Subscribe to:
Post Comments (Atom)
4 comments:
dis a mek mi laugh ha ha ha wha dis poem a de best why da lady ya go dead
If I was dat lady a would a beg di earth fi open up n tek mi in lol dwl mi shame fi u ya mah... ðŸ˜ðŸ˜
If I was dat lady a would a beg di earth fi open up n tek mi in lol dwl mi shame fi u ya mah... ðŸ˜ðŸ˜
She bad real Jamaican
Post a Comment